Ni 17/09/’16 Inrinni khan Thalai hruaitu ten member te inpawh tawn nan leh ruihhlo tell ova thalaite hlim theihzia tihlanna atana an buatsaih, Outdoor Fellowship chu tluang taka hman a ni.
Kohhran programme inrinni zing tawngtai inkhawma kalte kan nghah pah avangin chhun dar 12 ah tan chauh niin, kan hunte Upa Hrangauchhunga’n Pathian hnena hlanna min neihsak a, a tir lam hian member 27 vel chauh kan ni a, hruaitute pawh kan lungphang hman hle. Amaherawhchu a tawp inchhiarnaah meuh chuan mi 63 lai kan tling thei a, a lawmawm hle a ni. Kham lo takin tlai dar 4:30 velah kan tin ta a ni.
Items 10 hmangin intihsiakna hlimawm tak buatsaih a ni a, group hrang hrang- Kohhranpui, Naupang Sunday School, Mikaela group leh Gabriela group tea inthenin intihsiakna kan hlimpui hlawm hle. Kohhran nuho lam erawh beisei aia an tlem tak avangin group hranah then theih an ni ve ta lo. Intihsiakna leh a vuakvetah inhliam leh inbakkaih kan awm miah lo khan kan inunauna nasa takin a siam a ni.
Buatsaih chhan angina items tin ten inpawh tawnna min siam a, ka tawngkam lo hrethiamin member Biak In lama kan hmuh khat deuhte pawhin nasa takin min rawn tawiawm tih kan hmu a, kan buatsaih chhan pakhat a hlawhtling hle a ni. Tin, nakin lamah pawh thalai programme leh kohhran programme lamah pawh in hmel hmuh chhunzawm zel beiseiin kan lo thlir reng che u a ni.
Ngaihdam dilna:
1) Refreshment kan inchan lo – Min ngaidam hram ru.
2) Hruaitute duhaiin kan kim har – Min hrethiam hram ru kan insiam tha ve zel e.
3) Lawmman kan siam dawn lo – Thalai Day-ah chuan kan siam ngei ngei tawh ang.
I hun hlu tak senga min rawn telpui avangin lawmthu Thalai hruaitu ten a bik takin kan hrilh a che.
 |
| Thalai Hruaitute 2016 |
No comments:
Post a Comment