NUNNA TUIKHUR EDITOR TE

Kum 2008-a Fellowship puitling zawkah kan indin khan hruaitu hmasa berten an Meeting hmasa berah Fellowship chanchinbu neih ve ngei ni rawh se tiin an rel a, a hming atan pawh rawtna hrang hrang lut zingah ‘NUNNA TUIKHUR’ tih hi lungrual taka thlan a ni.

Hei hi hruaitu ṭhenkhat sawi dan a ni a; hruaitu hlui ṭhenkhat erawh chuan, Fellowship puitling taka kan indin hma, Sunday tlaiah a remchan dana in hrang hrangah kan inkhawm kual ṭhin lai, kum 2007 aṭang khan kan nei tawh niin an sawi thung! Record hluite kan hmuh kim theih tawh loh avangin eng nge rin tur zawk ni ang kan hre lo. 

Engpawh ni se, MCF kum sawm tlin rual hian kan Nunna Tuikhur news pawhin Pathian kaihhruainain kum sawm a lo tling ve ta reng mai tihna a ni a, kum 2007 aṭanga chhuah ṭan khi a nih tak tak zawk phei chuan kan Fellowship ai pawhin a upa zawk hial a ni. A lawmawm in a ropui hle mai.

Kha’ng kum 10 kalta chhunga ṭhahnemngai taka lo enkawltute kha lo tarlang ila (an hunlai zela nihna an invuah dan angin)

2009

Editor: Vanlalherliana

Joint Editor: Vanlalliana

News Editor: Laledenthara

Typist: Lalropuia

2010

Editor: Vanlalherliana

Jt. Editor: K. Zoliana

(Editor, Vanlalherliana’n rokhawlhna avanga hmun dangah min awm bosan avangin Jt. Editor ni lai, K. Zoliana chu Editor-ah hlan chhoh a ni a, Jt. Editor atan C. Lalchharliana chu ruat thar a ni) 

2011

Editor: K. Zoliana

Jt. Editor: C. Lalchharliana

(Hemi kum pawh hian kum chanve velah editor ni lai K. Zoliana te hian min kal chhuahsan a, Jt. Editor ni lai C. Lalchharliana chu Editor-ah kaisantir niin Jt. Editor atan Alex Ch. Zanghakliana chu ruat thar a ni)

2012

Editor: C. Lalchharliana

Jt. Editor: Alex Ch. Zanghakliana

2013

Editor: C. Lalchharliana

Jt. Editor: F. Lalremruata

News Collector: K. Lalhmunngheta

(Kum 2013 aṭang hian a buin tihchhuah ṭan a ni a, kumtawp lam aṭang phei chuan a kawm colour mawi tak nen changtlung zawka tihchhuah ṭhin a ni. Graphic Designer atan Lalhmunliana ruat belh a ni ta bawk.)

2014

Editor in Chief: C. Lalchharliana

Jt. Editor: Gin Lalthianghlima

News Editor: Jerome Lalhruaitluanga

News Editor: Lalremruata

Circulation Manager: Lalhmunliana 

2015

(2015 kum tir lam thleng hian kum hmasa 2014-a mi ang hi an la ni a, Cir. Manager, Lalhmunliana’n min hawsan tâk avangin a hnuaia mi ang hian editorial board siam rem a ni) 

Editor: C. Lalchharliana

Jt. Editor: Alex Ch. Zanghakliana 

Layout Editor: Jerome Lalhruaitluanga 

News Editor: Gin Lalthianghlima 

Graphic Designer: Lalremruata

2016

Editor: C. Lalchharliana

Jt. Editor: Alex Ch. Zanghakliana 

Layout Editor: Jerome Lalhruaitluanga 

News Editor: Gin Lalthianghlima 

Graphic Designer: Lalremruata

2017

Editor: C. Lalchharliana

Jt. Editor: Alex Ch. Zanghakliana 

News Editor: Gin Lalthianghlima

Layout Editor: Jerome Lalhruaitluanga 

2018

Editor: Alex Ch. Zanghakliana

Jt. Editor: Juliet R. Zamveli

Jt. Editor: Freddie Zohmangaiha

Jt. Editor: TC Rodingliana

(Editor Alex Ch. Zanghakliana leh Jt. Editor zinga mi Freddie Zohmangaiha ten min kal chhuahsan leh tak avangin a hnuaia mite hi tuna enkawl mektute an ni) 

Editor: Jerome Lalhruaitluanga

Jt. Editor: Juliet R. Zamveli

Jt. Editor: TC Rodingliana

MIZO CHRISTIAN FELLOWSHIP HRUAITU THARTE: 2018

Fellowship Department hrang hranga O.B leh Committee Member te rokhawlhna avanga an nihna te chelh zawm thei lo tam tak an avangin a hlawmin hruaitu thar te kan han update e. Hruaitu inthlak te hi vawi leh khat a thlak a ni a, remchangah a hlawm in kan tarlang mai zawk a ni.


KOHHRANPUI -
Chairman: Upa Hrangauchhunga
Vice Chairman: Upa F. Lalremruata
Secretry: Rocky Chunga
Asst. Secy.: Upa Lalchhanchhuaha
Treasurer: Upa F. Lalremruata
Fin. Secy.: Upa Lalchhanchhuaha
Members :
Juliet Zamveli
C. Lawmkima
Upa Lalhminghlua

Runremthanga


WOMEN DEPARTMENT -
President: Lalrinsangi
Vice President: PC Lalbiakzuali
Secretary: TBC Lamthangpuii
Asst. Secy.: Henny Lalbiakchhungi
Treasurer: R. Laldawli
Fin. Secy.: Singthangpuii
Members :
Kamneinguri
Vanneihkim
Lalrinpuii
Lalthanzami
Lalbiakmuani
Lalremruati (Mapuii)


YOUTH DEPARTMENT -
President: Lalropara
Vice President: TC Rodingliana
Secretary: Malsawmdawnga
Treasurer: Jerome Lalhruaitluanga
Fin. Secy.: Jasmine Lalremruati
Members :
K. Lalremruati
Gin Lalthianghlima
Lalmalsawmi

C. Zonunsanga


NAUPANG SUNDAY SCHOOL DEPARTMENT -
Upa Lalhminghlua (Superintendent)
VL. Hmangaihthangi (Treasurer)
Zirtirtute :
TC. Rodingliana
Lalremruati
Jasmine Lalremruati
Lalvenpuii
K. Lalremruati
TBC. Lamthangpuii

NUNNA TUIKHUR : JULY 2018 : EDITORIAL

Mimal eizawnna avangin Zoram lamah kum li dawn hnuah ka han chuang chhuak leh thei a rin aiin ka han cham rei ta phian lehnghal a, a hmaa Zoram lam ngaia lungleng thin kha karhnih hnu lekah Delhi lam ngaiin lung a leng ta daih mai. Thla chu nei phei ila he thu ziah lai lai pawh hian rawn thlawh haw vawn vawn mai ka nap khawp mai.

Mihringte hian duhthusam tam tak kan nei a chu kan duhthusam tih puitlin nan pawh chuan thi leh thau pawlh in hna kan thawk in hma kan la fo bawk a amaherawhchu kan duh tam tak chu nei thei thin mahila a aia beisei sang zawk leh duh dang zawk hi kan nei leh tho tho thin a. Khawvel thilah hian lungawina famkim hmuh tur hi a awm mawlh thin lo a ni. Lunglenna chhan ber hmun a ka awm chung pawhin thildangin ka lung chu min len leh daih si ang deuh hian.

Amaherawhchu a bul leh tawp nei tu kan Pathian lakah chuan a bul min tan pui angin a tawp pawh hi Amahah chuan a awm thei thin a, lungawina famkim pawh Amahah chauh lo chuan a awm tak tak lo tih i hre thar ang u. Wishes from Kolasib.

MCF TIN JUBILEE CHUNGCHANG

TIN Jubilee Committee leh SubCommittee din sa chu rokhawlhna hrang hrang vangin member thenkhat an kim tawh loh avangin hetiang hian siksawi a ni.

Tin Jubilee Committee: 2018 chu hetiang hian ruat a ni a:-

Chairman: Upa Hrangauchhunga

Secretary: Pu Rocky Chunga 

Treasurer: Pi Juliet R. Zamveli

*Sub-Committee Chairman (Co-ordinator) leh Secretary te

*Fellowship EC te. 

Tin, hetiang hian Sub-Committee hrang hrang ruat nghal a ni bawk:-

1) Fund Raising Sub-Committee: 

Chairman: Upa F. Lalremruata

Secretary: Tv. TC Rodingliana

Members:

Upa Hrangauchhunga

Pi Juliet R. Zamveli

Pi Lalrinpuii

Nl. TBC Lamthangpuii

Nl. R Lalrempuii

Nl. T. Ramsangliani

Nl. Lalengliani

Pu Gin Lalthianghlima

2) Souvenir Sub-Committee:

Co-ordinator: Pu Jerome Lalhruaitluanga

Members:

Pi Juliet R. Zamveli

3) Music and Sound Sub-Committee:

Chairman: Pi Juliet R. Zamveli

Secretary: Nl. Jasmine Lalremruati

Members: 

Pu B. Lalngaihzuala

Pu C. Lawmkima

Pu Lalropara

Tv. Ricky Lalremsiama

4) Jubilee Choir Sub-Committee:

Chairman: Upa Lalchhanchhuaha

Secretary: TBC Lamthangpuii

Members:

Upa Lalhminghlua

Pi PC. Lalbiakzuali

5) Hall and Decoration Sub-Committee:

Chairman: Pu Rocky Chunga

Secretary: Nl. R. Lalrempuii

Members: 

Pi Lalrinsangi

Pi Henny Lalbiakchhungi

Pi Vanlalmuani Ralte

Pu Runremthanga

6) Information & Publicity Sub-Committee:

Chairman: Pu Jerome Lalhruaitluanga

Secretary: Nl. K Lalremruati

NUNNA TUIKHUR : JUNE 2018 : EDITORIAL

Ni sa chu ruahin a zawm fo va, chhun pawh zanin a zawm bawk a, chutiangin kan rawngbawlna kawngah pawh hian hun hlimawm leh harsa kan paltlang fo va. Ni sa leh ruahten an chhut rawn lung chuan tlawm hun a nei a, a lo keh ṭhin ang hian, inlungrual leh inpumkhata rawng kan bawl honate hian kan hmachhawp thil harsa leh khirh takte chu a lo chhu sawm a, kan rawngbawl hna hlen turin thlen chin ata hma kan sawn zel ṭhin a nih hi.

Kan hma lawkah kan fellowship chuan kum 10 din cham “Tin Jubilee” kan lo lawm ve tawh dawn der mai. Hmalakna tur a ko in thil tih tur pawh kan la ngah khawp mai, sub committee hrang hrang dinin committee tin ten chak tak a hma pawh la tur in kan infuih nasa a, a hmasa berah chuan sum leh pai bawk hi kan buaina bul ber tur chu a ni dawn a, a chunga entirna ka han thailang ang deuh khian a huho a ṭangrual tak a kan chhut chuan eng ang a lian pawh nise kan la chhu sawm dawn tho tho a ni tih a chiang a, midangte ṭanrual pui a thawh pui theih tur in keimahni pawh rilru zau tak pu in i awm zel ang u.

THI TLAK : ISUA KRISTA

Thuthlungtharah hian ‘Thi tlak’ ti a, Pathian thuin a sawi leh a sawi fak si loh; mahse ‘Thi tlak’ a ngaih hi mi tlemte kan hmu a. Chung zinga sawi hmaih theih loh mi langsar pahnih kan hmuh te chu BARABA LEH ISUA KRISTA an ni. Baraba hi Chanchinṭha ziak hrang hranga an tarlan dan chuan:

1. Helte zinga mi, tualthattu (Mk. 15:7).

2. Helna leh tualthah avanga mi tang (Lk. 23:25).

3. Suam hmang (John.18:40).

4. Mi tang hming thang tak (Matt. 27:16). Hetianga mi tawrawt, Rome sorkarna duh lova helte zinga mi hi sorkar lai, thuneihna fawng vuantute tan chuan mi hnawksak, khawtlang leh ram tana hlauhawm tak a ni ngei ang. ‘Thi tlak’ tiin Bible hian tarlang fak lo mah se, Rome sorkar aiawh leh Juda mipui rorelna hmaa ‘Thi tlak’ ISUA KRISTA nen khaikhin anih danah hian ‘Thi tlak’ a ngaih tur zinga mi a nih zia a hriat theih bawk.

Thi tlak Isua Krista hi Chanchinṭha ziaka kan hmuh ve danah chuan Baraba ang lo takin heti hian a chanchin an ziak ve thung:

1) Pathian Fapa

2) Keimahni anga kawng tinreng a thlemna tawk tawh, sual erawh chu sual lo (Heb. 4:15).

3) Pathian Beram no (Joh. 1:29).

4) Tidamtu, sual ngaidamtu leh thilmak titu.

5) Mi fel tak (Matt. 27:19).

6) Sualna nei lo (Lk. 23:14-17). Thil mak tak chu Rome sorkar roreltute pawhin a chungchang thuah thiam lohna an hmuh loh; mi fel, sualna nei lo anga an hriat chu “Thi tlak a ni” tiin mipuite leh puithiamte khan THI TLAK (Misual) angin an chhuak kha thil mak tak chu a ni! Thi tlak an tih Isua Krista kha Rome sorkar roreltute, Pilota leh a nupuite leh Heroda ang khan keini pawhin mi fel, sualna nei lo leh thihna khawp a sual nei lo tiin kan ṭan ve ngei chu a rinawm. Mahse thi tlak a ni an tih kha thu dik tak zawk a ni. Amah aia thi tlak khan tumah an awm lo.

Tlarau lam zawnga ngaihtuahna neih loh chuan pawm a harsa viau ang, thlarau lam aṭanga hriatna, ngaihtuahna neite tan chuan amah Isua Krista aia thi tlak tumah an awm lo tih a chiang hle thung. Mi sual, ṭawmkai lo, Pathian rorelna hmaah thiamthu sawi tur pakhatmah nei lo, thi tlak dik tak nang leh kei vangin sualna nei lo Isua Krista chu min chhandam turin leh Pa ngaihdamna chang tura palai hna thawk tura rintlak leh thi tlak dik tak chu a lo ni zawk. Pa lungawina chu amah Kristaah a awm famkim si a. A chunga rorelna zawng zawng hi anchhe dawng, mi sual, nang leh kei aiawhna kha a ni (Isaia 53:5). Isua Krista chu remna palai anih zia alang chiang hle.

Chutia kan Lal Isuan kan natnate phur a, lei lalte hmaa a din hmu chuan kan khawlohnate avanga vuak thitlina a awm hma hauhin remna palai hna chu lo thawk ṭanin, Heroda leh Pilota te pahnih inbe tawh ngai reng reng lote pawh an lo inngaih leh ta a. Lei leh van inkhar khip hnan tlat tawh chu Chhandamtu thisen chuan a hawng leh a. Pathian leh mihring inkar chat tawh chu Kros hmangin a zawm leh a, a laiah ISUA KRISTA a lo ding ta a ni. Lalpa chu fakin awm rawh se. Tunge chhuahsak che u ila induh? Baraba nge Isua Krista an tih a chu? (Matt. 27: 17). He zawhna hi kan chhan tur ni se, Baraba aiin Isua Krista kha chhuah rawh kan ti vek a rinawm. Mahse Isua Krista kha lo chhuah tir ta zawk se tiin ngaihtuahna han pu ila; Pa hmelma, Pa nena inrem lo, chhandamna chang lo kan ni dawn a kan chan tur chu kan hrethiam nghal mai ang. Mitthlain ‘Hremhmun/Meidil’ a lo lang nghal a ni. Baraba kha tu vanga chhuak nge? Pilota leh mipuite leh puithiamte vanga chhuak a ni tih mai a awl hle ang. Mahse anni vanga chhuak a ni hauh si lo. Chhuah zalentu chu Baraba bula ding Isua Krista zawk kha a lo ni reng si. Isua Krista bulah khan ding lo se chhuah zalen a ni hauh lovang. Tualthattu, mi sual turu, suam hmang kha Isua Krista nen an din dun meuh chuan zalenna a lo hmu ta zawk a ni. Lalpa chu fakin awm rawh se.

Tualthattu, mi sual turu leh suam hmang Baraba pawh Isua bula a din meuh chuan chhandamna achan ang khan, nang leh kei pawh sualin, lo tlu ve ṭhin mah ila Isua bulah kan awm/kan din tlat chuan chhandamin kan awm ngei ang. Amah a awm tlat te chu a hnar ngai lo ‘Keimah awm reng rawh u, keipawh Pa hnena awm ang khan’ a ti si a. Ama hnena awm ṭhin te chuan sual an kalsan ṭhin a, an sualna te chu hriat reng sak a ni tawh ngai lo. Baraba chanchin ziahnaah chuan amah an chhuah zawk thu a hriat khan Baraba chu khi vur vur leh hlimin, lawm viau awm tak Isua hmel a hmuh khan inthiam lohna in a khat a, Isua a hmuh hnuah leh Isua aia chhuah zalen anih hnuah vawi khatmah thilsual a ti leh tawh lo va, Isua Krista tan hian a nung chhunzawm ta zawk a ni an ti. Isua Krista hmutute chu an in uang lo va, an tlin lohna leh an sualna an in hmu ṭhin a, thilsual an tih ṭhin chu ti chhunzawm zel tawh lovin an kalsan zawk ṭhin a, an hmuh Isua Krista tan an nung tawh zawk ṭhin a ni. Kan sualnate phur chunga kan sual a thihpui hma hauh pawhin remna leh zalenna a lo siam reng tawh a ni (Pilota leh Heroda inrem lo an lo inrem phah a, Mi sual turu tan in a tang mek Baraba chu chhuah zalenin a awm kha). A thih a, a thawhlehna phei hi chuan sual bawi ata min chhuah a, zalenna min pe a ni. Lalpa chu fakin awm mawlh rawh se.

Mi sual turu lutuk, thi tlak ngawih ngawih Baraba ang khan sualin, nunhlui rapthlak tak tak lo nei tawhin, thi tlak khawpin sual lo khawih tawh mah ila, Baraba angin i sual bulah dingin a hmel hmu turin a hnaih lai hian amah Isua Krista chu i zawng ang u, i hnaih tlat ang u. Chu chu kan sal tanna, sualin min bawi betna ata tlanchhuahna leh kan zalenna tur kawng awlsam ber chu a ni. Amah hnaihtu leh amah hmutute chuan an tlin lohna leh an sualna an hria a, chumi hriatnaah chuan tawp mai lovin an inngaitlawm a, an sualte kalsanin an sim ṭhin. Anmahni a thil hluite chu a ral a, thil thar a thuamin an lo awm leh ṭhin. Lota nupui angin hnunglam hawikir tawh lovin an dam chhung atan Lalpa rawngbawlin, Krista tan an nun a hlan tawh zawk ṭhin a ni. Mi sual turu Baraba, nang leh kei atan hian sualna nei lo, Pa lung tiawi zotu, Isua Krista ngei mai chu ‘Thi tlak’ a lova ni tak em.

Chhiartu te, he thu hmang ngei hian khawih nawn inngaihna lai chu khawih nawn in lo awm se, sawi ṭhiat ngai chu sawi ṭhiat lo niin, siam ṭhat ngai chu siam ṭhatin lo awm sela, Lalpan malsawm mawlh che u rawh se, Amen.

-Alex ZL. Hualngo

NUNNA TUIKHUR : APRIL 2018 : EDITORIAL

Tun ṭum Nunna Tuikhur chu tlem a kalphung pangai deuh thlak in a layout vel pawh a hnawk deuh nuaih, online pdf vel a chhiar nuam tur leh hmuh nuam tur in kan han design ve chhin a enge maw a an dawn ni? A man nei tur a kan han buatsaih hnu hian copy la an tlem ta riau mai a chhiartu te hip nan naupang pual, Bible puzzle leh naupang lemziak ten a karawl kan han hnawhkhat ve rawih a! Siamṭhat ngai leh thlak ngai chu min han hrilh hre mai dawn nia.

Kan mihrâng leh kan fellowship ban pawimawh tak tak ten ṭulna avang leh chhungkaw pawimawhna avang te in min chhuahsan in min liam san a/dawn ta a, rilru ah Pu Rokunga hla Lungduh Inṭhenna Ram tih kha alo lang uar uar mai: Lungduh inṭhenna ram khawvel hmun zauvah hian,
Hlim leh lawmin leng ṭhin mah ila;
Ṭhenna tur ni kawlah a lo chhuak leh si ṭhin,
Rualduh ṭhenin biahthu,”Dam takin,”
Tih reng a bang thei lo.

Dam takin aw zamual chu liam ang che,
Chung Pathian ven zelin kal ta la;
Min theihnghilh suh la englai pawhin,
Kan ṭawngṭainaah kan nghilh lo’ng che,
Lenna tlang dang mah se,
Dam takin kan intawh leh hma zawng.

Ni, in kal poh a niang  chu! In kal ro ro a nih chuan kan inhmuh leh hunah Pathian mi hman leh mite tana malsawmna thlen tu lo ni zel ula hlim takin  kan hun liam ta te kan la sawi leh dawn nia. Nunna Tuikhur phei chuan kan chan nasa ngawt mai!! Min han hre ve reng teh u!!

JERUSALEM TEMPLE PUANZAR ROPUI A THLER TA

(Chhiar tur: Matt. 27:51)

Lal Isua thih niah hian thilthleng ropui tak tak a awm a, a mal malin sermon dawn ila, sawisen rual a ni lovang. Vawiin Isua thih niah hian thil thleng ropui tak pakhat chauh han sawi ta ila, chhiartuten kan hlawkpui ngei ka beisei a ni.

1. Jerusalem temple puanzar thler hian thuthlung hlui inthawina zawng zawng a tibang tih a entir.(Rom 10:4)

Thuthlung hluiah khan Israel-ten an sual ngaihdamnan nitin kawla ni chhuak chhiarin puithiam kaltlangin sual thawina an lo hlan ṭhin a, chubakah inremna ni an buatsaih a, Pathian leh misualten inremna an neih theihna turin Puithiam lal ber chuan biakbuk puanzar chhung hmun thianghlim berah kum khatah vawi khat lutin inremna a lo siamsak ṭhin a ni.

Heng zawng zawng hian Pathian fapa Isua Krista, beram no, Kalvary tlanga sual aia a inthawina tur a lo entir lawk vek a, a tak tak lo thlen hmain a hlimthla, drama angin hun rei tak chhung an lo chang a ni. Tichuan a tak Krista ngei chu khawvelah lo kalin chatuan atan sual thawina chu cross ah a rawn thawk chhuak ta vek a, chu chuan a hlimthla zawng zawng kha a rawn tibang ta vek a, lei hmun thianghlim ber kha tihbo a ni a, Lalpa Thlarau nena kan awmna apiang chu hmun thianghlim a lo ni ta. Chuvangin biakbuk puanzar lo thler hian lei hmun thianghlim a ṭhiat a, lei rannungte hmanga inthawina a tibang vek a, chatuana inthawina nung a buatsaih a, chumi changtute awmna apiang chu hmun thianghlim a lo ni ta zel a ni. A van ropui em!

2. Puithiam bik nihna a titawp a, amah ringtu zawng zawngte chu chi thlan, lal puithiam, hnam thianghlimah min siam ta. (Thup. 5:9,10)

Thuthlung hlui hunah puithiamte kaltlang lovin, mahniin, mahni duhna hmun hmunah Pathian a biak theih loh. Puithiamin hmun bikah chauh mipuite aiawhin Lalpa hmaah an dinsak ṭhin. Sual thawina leh sual thuphachawina pawh puithiam thawisak vek an mamawh a ni.

Isua Krista thih nia biakbuk puanzar rawn thler hian Thuthlung hluia puithiam bik kaltlanga inthawina a rawn tibang vek a, tupawh amah ringtu apiangte chu chi thlan, hnam thianghlim, Lal puithiam nihna min chantir ta vek a, mahnia directa Pathian biak theihna, sual thupha chawi theihna kan lo nei a, mahni ngei hi Kristan puithiamah min siam ta a ni. Krista chu puithiam Lal ber niin, ama zarah keini pawhin puithiam hna kan thawk thei a, mite tan Pathian hmaah kan ding thei a, mite kan ṭawngtlṭaisak thei a, mite malsawmna kan pe thei a, mite tanah malsawmna kan lo ni thei ta a ni. I puithiam nihna kha Lalpan a ropuinan hmang chhuak turin a duh che a ni.

3. Khawi hmunah pawh, Jerusalem kher lovah pawh Pathian biak theihna kan lo nei a, amah nena kan awmna chu hmun thianghlim ber a lo ni ta.(John 4:20)

Thuthlung hluiah chuan Jerusalemah lo chuan Pathian an be thei lo. Thingtlang khaw te atang pawhin Pathian be turin Jerusalemah an kal vang vang ṭhin. An thilpek turte chu hla tak aṭangin an rawn keng vang vang ṭhin a ni.

Temple puanzar lo thler hian hmun bika Pathian biakna a tibang vek a, Lalpa chu Thlarauvin khawi hmunah pawh biak theih a lo ni ta! Hmun bika kal vang vang angai tawh lo va, a mah be turin sum sen angai hek lo. Kalkawng man senral ngai a awm lo. Tunah kan awm hmunah ṭhingṭhi a biak mai theih a ni ta!

Awle! Heng thilthleng ropui tak aṭanga thil inthlak thleng hi a ropui hle mai. Amaherawhchu kan nunah tihtur mawhphurhna min rawn thlen nghal tih kan hriat a ṭul. Puithiamte nitin kawla ni chhuak chhiara inthawina anhlan ṭhin angin nitin Lalpa hnena Krista thisen ringa sual thupha chawi turte chawi fo turin a ni. Mite tana i puithiam nihna hmang chhuak turin a duh che. Khawi hmunah pawh Pathian kan biak theih avangin englaipawh a ṭawngṭai fo turin min duh a ni. Hetiang taka Lalpa duhdan a i nun theih nan Lalpan malsawm che rawh se. Amen.

- Alex ZL. Hualngo

NUNNA TUIKHUR : MARCH 2018 : EDITORIAL

Mizote kút zinga ropui ber Chapchar kút thla alo thlen meuh chuan whatsapp leh fb group hrang hrangah mit titlai tur hmuh tur a tam ngei mai. Chutih rual chuan he hunpui lawm ve ni awm taka a mawina tinreng lo chhuah ‘Ṭuahpui’ leh ‘Vaube’ an lo vul ve chûk mai ṭhin te, chu mai pawh a la ni lo, chhawkhlei par mawi em em mai a lo vul chûk mai bawk nen. Phawngpui tlang leh Buannel rama chhawkhlei par mawi em em te thlalak group hrang hranga an post te han hmuh phei chuan siamtu ropuizia ngaihtuah thleng hauh si lo va lunglenga van ruai táwkte pawh kan awm mathláwn lo awm asin! 

Mitthlâa suangtuahna kawm vel mai loh chu he kan vairam khawpui aṭang hian kan zobawm parmawi tinrengte hmuh ve tur a awm si lo. Mahse ka’n ti ṭalh teh ang aw, he Delhi khawpui khawlum tur rawn her chhuak muai muaiah hian e, khawpui chhung te han hawi zau deuhvin i chhingmit han lèn thui deuh the; Pâng kung lian ṭhuau mai te, hmun ṭhenkhatah phei chuan mit titlai theihtawpa tamin par sen mawi em emin an lo vul chuai mai ka ti! 

Kawngpui zau nuam tak tak sirah te leh building sâng pui pui kara a par mawi tak mai han hmuh te chuan hah a tidam sawng sawng thei hialin ka hria. Panlai nun te min hriat chhuahtir rum rum mai, dâi velah Pâng par tla chhar turin ṭhianzaho nen dai kan vel thuak thuak laite mitthlaah a lo lang zut zut mai ka ti! He Delhi khawpuiah pawh chuti khawpa tam na na na chu hnathawhna bul maiah te pawh an lo par vul chek chuk mai chu lo niin. Mahse kan hla thu pakhatah, “ka chhar ngam lo zaiin ka pèl mai dawn e” ti ni àwm taka kan pelh mai mai a ngai ta si. 

Heng zawng zawng hian siamtu Pathian ropuizia min hriattir lo thei lo va, thilsiam zawng zawngte chunga thu nei tura mihringte kan chungnunzia leh vanneihzia te, kan ropuizia erawh kan ngaihtuah chiang lo fo em ni tih te rilruah a lo lang zut zut a; hmu thei, hre thei leh ei in thei, che thei te leh thawk theia kan awm te hian kan vanneihzia min hriattir nawn fo se la, pangpar te mai paw’n min tihlim a nih si chuan min siamtu Pathian fak chung zelin hlim takin i hmabak, i rawngbawlna kha hlen zel rawh le.

MIZO CHRISTIAN FELLOWSHIP HRUAITUTE: 2018

KOHHRANPUI -
Chairman: Upa Hrangauchhunga
Vice Chairman: Upa Laldinga
Secretry: Alex Ch. Zanghakliana
Asst. Secy.: Rocky Chunga
Treasurer: Upa F. Lalremruata
Fin. Secy.: Upa Lalchhanchhuaha
Members :
C. Lalchharliana
Juliet Zamveli
C. Lawmkima
Upa Lalhminghlua


WOMEN DEPARTMENT -
President: Lalrinsangi
Vice President: Pi PC Lalbiakzuali
Secretary: TBC Lamthangpuii
Asst. Secy.: Henny Lalbiakchhungi
Treasurer: R. Laldawli
Fin. Secy.: Singthangpuii
Members :
Kamneinguri
Mimi Lalhmangaihi
Lalrinpuii
Lalthanzami
Lalbiakmuani
Lalremruati (Mapuii)


YOUTH DEPARTMENT -
President: C. Vanlalhriata
Vice President: Lalropara
Secretary: TC Rodingliana
Asst. Secy.: Malsawmdawnga
Treasurer: Jerome Lalhruaitluanga
Fin. Secy.: Jasmine Lalremruati
Members :
Freddie Zohmangaiha
K. Lalremruati
Gin Lalthianghlima
Lalbiaknungi


NAUPANG SUNDAY SCHOOL DEPARTMENT -
Upa Lalhminghlua (Superintendent)
Lalbiaknungi (Secretary)
VL. Hmangaihthangi (Treasurer)
Zirtirtute :
C. Vanlalhriata
TC. Rodingliana
Freddie Zohmangaiha
Deryck Lalropeka
Lalremruati
Jasmine Lalremruati
Lalvenpuii
K. Lalremruati
TBC. Lamthangpuii