Ka fapa/fanu....,
Nang chuan min hre lova, mahse kei chuan engtik lai pawh in ka hria che (Sam 139:1),
I ding leh i ṭhut lai ka hria a (Sam 139:2),
I awm dan zawng zawng hi ka hre vek a (Sam 139:3),
I sam zai te lam pawh hi ka chhiar vek a (Mat 10:30),
Ka anpui in ka siam che a (Gen 1:27),
Keimah avangin i nung a, i che a, i awm a ni (Tirh17:28).
Ka thlah i ni a (Tirh 17:28),
Pum chhunga ka siam hma chein ka hria che a (Jer 1:5),
Lei leh van ka siam laiin ka thlang tawh che a (Eph 1:11&12),
Theihnghilh i ni lova, i ni hman zawng zawng ka lehkhabuah ziah vek a ni (Sam 139:15&16).
I tan hun bi ka ruat a, i awmna tur pawh ka siam sak che a (Tirh 17:26),
Hlauhawm tak leh mak tak in ka siam che a (Sam 139:14),
I nu pum chhunga i awm laiin ka khuh che a (Sam 139:13),
I nu ril ata la chhuaktu che ka ni a (Sam 71:6),
Min hriat theih nan ka Fapa Isua ka rawn tir a (Joh 8:42),
I chungah thinrim leh nang hlat chein ka awm lo a,
Kei hi hmangaihna famkim chu ka ni (I Joh 4:16).
I chungah hmangaihna ren lova tih lan hi ka chak zawng tak a ni (IJoh 3:1),
A chhan chu ka Fa i ni a, i Pa ka nih vangin (IJoh 3:1),
Lei a i Pa in a pek theih ngai loh che, pe thei tu che ka ni a (Mat 7:11),
I tan Pa tha famkim ka ni a (Mat 5:48),
Ka hnenah lokal la, thil pek ṭha leh famkim chu i dawng dawn nia (Jak 1:17).
I mamawh engkim ka hria a, tum saktu che ka ni (Mat 6:31&33),
Beiseina a khatin i hma hun tur ka siam ang a (Jer 29:11),
A chhan chu hmangaihna tawp ngai lo in ka hmangaih che a ni (Jer 31:3).
I tan thil ṭha ka ngaihtuah zawng zawng hi chhiar dawn la,
Tuipui kam a tiau vaivut aiin a tam zawk ang (Sam 139:17),
Hla sa in i chungah ka lawm a (Zeph 3:17),
Thil ṭha tih hi i chungah ka bansan ngai lova (Jer 32:40),
Ka tan ro thlan bik i ni a (Ex 19:5),
Ka thinlung zawng zawng in he ramah hian ka phun nghet ang che a (Jer 32:41),
Thil ropui leh inthup chu ka hmuhtir ang che (Jer 33:3).
I thinlung zawng zawng a min zawn chuan, min hmu ang (Deu.4:29),
Min ring la, tichuan i thinlung duh zawng chu ka pe ang che (Sam 37:40),
Beiseina petu che chu keimah ka ni (Phil.2:13).
I ngaihtuah zawng zawng aia nasa zawk a titheitu ka ni a (Eph 3:20-21),
Nangmah fuihtu ṭha ber ka ni (IIThes 2:16&17).
I hrehawmna zawng zawnga chhawktu che ka ni a (IIKor 1:3-4),
Thinlung lungchhiatna i neihin engtik lai pawn ka lo hnaih ṭhin che a (Sam 34:18),
Berampu in beramte a ngaihtuah angin ka thinlung hi lo hnaih rawh,
Ka ngaihtuah che a ni (Isaia 40:11).
Nikhat chu, i mit ata mittui zawng zawng ka hruk fai sak che’nga (Thup 21:4),
Natna awm leh tawh lohna hmunah ka hruai ang che (Thup 21:4).
I Pa ka ni a ka fapa Isua ka hmangaih angin ka hmangaih che a (Joh 17:23),
Isua ka hmangaihna kha nangmahah pawh a awm (Joh 17:26),
Ka fapa Isua chu ka nihna zawng zawng entirtu a ni a (Heb 1:3),
Nangnen kan inkara dodalna awm tawh lo tur entirtu a ni (Rom 8:31).
Isua kha i sual ka chhiar tawh lo tih hrilhtu che a ni a (IIKor 5:18-19),
Nang leh kei kan inrem nan a thi a ni (IIKor 5:18-19).
Isua thihna kha i chunga ka hmangaihna sang ber entirtu a ni (IJoh 4:10).
Ka hmangaih Isua pawh zuah lovin ka pek che kha,
Engkim ka pek belh ang che (Rom 8:31-32).
Ka fapa Isua ka pek che hi i lo pawm chuan kei min pawm tihna a ni a(IJoh 2:23),
Ka hmangaihna che aṭang hian tuman min ṭhen lovang (Rom 8:35-39).
Lo haw rawh, tuma la hmuh ngai loh Vanram hlimna ropui ber chu,
Ka hmuhtir ang che (Luk 15:7),
Engtik lai pawhin i Pa ka ni a, i Pa ka ni reng bawk ang (Eph 3:14-15).
Ka zawhna chu? Ka fa nih i duh em? (Joh 1:12-13)
Ka nghak reng che (Luk 15:11-20).
LOVE, YOUR DAD,
ALMIGHTY GOD
- Translated by Lalchhuanmawia Chhakchhuak
